Kendall Jenner dhe Jacob Elordi po tërheqin gjithnjë e më shumë vëmendjen e mediave ndërkombëtare, pasi raportimet e fundit sugjerojnë se marrëdhënia e tyre po bëhet më e fortë se kurrë.
Sipas Page Six, modelja e njohur dhe ylli australian i kinemasë kanë vendosur t’i japin një drejtim më serioz lidhjes së tyre, pas muajsh takimesh dhe paraqitjesh të shpeshta së bashku.
Burime pranë çiftit pretendojnë se raporti mes tyre ka evoluar ndjeshëm dhe se të dy po investojnë gjithnjë e më shumë në këtë histori. Madje, thuhet se Kendall është shumë e lumtur pranë aktorit dhe e sheh këtë marrëdhënie si diçka me potencial afatgjatë.
Sipas të njëjtave burime, Jenner dhe Elordi po kalojnë shumë kohë së bashku dhe po shijojnë çdo moment larg vëmendjes së tepërt mediatike. Ata përshkruhen si një çift që gjen lehtësisht harmoni dhe që ndan interesa të përbashkëta.
Një tjetër detaj që ka shtuar spekulimet është plani i tyre për të festuar së bashku ditëlindjen e Jacob Elordit në Australi, gjë që shihet si një hap i rëndësishëm në afrimin e tyre.
Zërat për një romancë mes Kendall dhe Jacob nisën të qarkullonin në fillim të vitit, por në atë kohë burime të afërta me ta këmbëngulnin se po njiheshin më mirë dhe nuk dëshironin të nxitonin me përkufizimin e marrëdhënies.
Megjithatë, muajt e fundit duket se kanë sjellë një ndryshim të madh. Një udhëtim i përbashkët në Hawaii, i raportuar nga mediat rozë, thuhet se ka luajtur një rol të rëndësishëm në forcimin e lidhjes së tyre.
Pavarësisht se as Kendall Jenner dhe as Jacob Elordi nuk kanë bërë deklarata publike për statusin e marrëdhënies, burimet pranë tyre pretendojnë se çifti po kalon një periudhë shumë të lumtur dhe se lidhja po zhvillohet në mënyrë pozitive.
