Princi Harry ka kritikuar zyrtarët e Pallatit të Buckinghamit, të cilët ai i quan “burra me kostume gri”. Sipas tij, ata po përhapin informacione të rreme në media për të prishur përpjekjet e tij për t’u afruar me të atin, Mbretin Charles.
Harry u zemërua pasi disa raportime pretenduan se takimi i tij me Mbretin në Clarence House ishte “i shkurtër dhe formal”. Ai tha se këto janë trillime dhe se po përdoren për të sabotuar pajtimin.
Duka i Sussex ka nisur një plan për të vizituar më shpesh Mbretërinë e Bashkuar dhe për të ndërtuar sërish marrëdhënien me babain, madje edhe për të dalë publikisht përkrah tij në Lojërat Invictus 2027.
Megjithatë, marrëdhënia e Harry-t me vëllain e tij, Princin William, mbetet e tensionuar. Pallati i Buckinghamit nuk ka komentuar mbi këtë çështje.
