Në Festivalin e Filmit në Venecia 2025, dy nga aktoret më të dashura të Hollywood-it, Julia Roberts dhe Amanda Seyfried, u shfaqën me të njëjtin set elegant, një moment që bëri bujë në botën e modës dhe përtej saj.
E gjitha nisi më 29 gusht, kur Julia Roberts mori pjesë në photocall-in e filmit të saj të ri After the Hunt, duke veshur një kostum të ri Versace, blazer blu të errët, këmishë me vija rozë dhe të verdha, xhinse të drejta dhe një brez të artë që i shtonte shkëlqim pamjes së thjeshtë por shumë elegante. Ajo kompletoi pamjen me këpucë me platformë në ngjyrë kafe dhe mëngë të përplasuara, për një prekje më të çlirët.
Vetëm pak ditë më vonë, më 1 shtator, Amanda Seyfried u paraqit me të njëjtën veshje në prezantimin e filmit të saj The Testament of Ann Lee. Por ajo nuk e kishte vjedhur momentin, përkundrazi, e kishte kërkuar me mirësjellje: “Please let me wear the same outfit,” i kishte shkruar stilistes së të dyjave, Elizabeth Stewart, përmes Instagramit. Julia Roberts pranoi me kënaqësi, duke treguar edhe një herë shpirtin e saj miqësor dhe të hapur ndaj bashkëpunimeve kreative.
View this post on Instagram
