Viti 2026 ka nisur me gëzim në maternitetet e Tiranës. Dy vajza janë bebet e para të lindura këtë vit: njëra në maternitetin “Mbretëresha Geraldinë” dhe tjetra në maternitetin “Koço Gliozheni”.
Lajmi u bë i ditur edhe nga Kryeministri Edi Rama, i cili përmes një postimi në rrjetet sociale uroi mirëseardhjen e dy foshnjave.
Stafet mjekësore në të dy maternitetet konfirmuan se nënat dhe bebet gëzojnë shëndet të mirë, ndërsa familjet e tyre kanë pritur Vitin e Ri me emocion të veçantë.
Lindjet e para të vitit janë kthyer tashmë në një traditë simbolike, që shënon nisjen e vitit me jetë, optimizëm dhe gëzim.
