Këngëtarja amerikane, Beyonce ka dalë në kopertinën e revistës “Vogue” dhe këtë herë ka prodhuar lajm, por jo për karrierën e saj. Në një rrëfim aspak të zakonshëm diva ka hedhur poshtë të gjitha spekulimet se një njeri me ngjyrë nuk shet.
Në intervistën e saj për revistën prestigjoze Beyonce ka rrëfyer se familja e saj e madhe rrjedh nga një ish-pronar skllevërish.
“Kam kërkuar për prejardhjen time dhe kam mësuar se vij nga një pronar skllevërish, i cili ra në dashuri dhe u martua me një skllave. Zbulimin duhej ta thelloja edhe më tej me kalimin e kohës. Kam kërkuar se çfarë do të thotë kjo dhe jam përpjekur ta vendos këtë në perspektivë. Tashmë besoj se, është pikërisht kjo arsyeja përse Zoti më bekoi me binjakët e mi.
Energjia mashkullore dhe femërore kanë mundur të bashkëkzistojnë dhe të rriten në gjakun tim për herë të parë. Lutem që jam në gjendje të thyej mallkimet e brezave të tërë në familjen time dhe që fëmijët e mi të kenë një jetë më pak të komplikuar”, tha diva e popit.
Ndërsa tradhtinë e bashkëshortit ka mësuar ta falë nga fakti se familja e saj ka një “lidhje të marrëdhënieve të prishura mashkull-femër, abuzimi me pushtetin dhe mosbesimi. Në marrëdhënien e saj me Jay Z ndryshoi çdo gjë për mirë kur erdhën në jetë binjakët Rumi dhe Sir.
