Ka qene nje event mjaft i vecante per sopranon e njohur shqiptare, Emonela Jaho interpretimi i fundit, qe e u krye në nder të Sir Antonio Pappanos, i cili largohet pas 22 vitesh si drejtor muzikor në Shtëpinë e Operës Mbretërore. Jaho ka marrë përgëzimet e vete mbretit të Anglisë, Charles III, i cili u ngjit vete ne skene për të respektuar artisten.
‘Një natë shumë e veçantë Royal Opera House, për të treguar nderimet e mia së bashku me kolegët dhe madhërinë e tij mbretin Charles, për maestron tonë të dashur Toni Papanno.’- shkruan Jaho. Charles është shumë i afërt me Pappanon, i cili ishte dirigjent edhe në Kurorëzimin e monarkut vitin e kaluar.
Tre vjet me pare, kritiku John Crace e pershkroi Ermonelen si "sopranon më te mirë në botë". Aftësia e saj për të hyrë në rolet që interpreton është mahnitëse, siç është edhe edhe vokali i saj. Askush si ajo, nuk mund t’ju prekë më shumë, ndërsa lotët i rrjedhin në fytyrë. Për këdo që nuk ka dëgjuar për të, mjafton të kërkoni në Youtube. Ndërkohë, “The Guardian”, kishte raportuar edhe pak javë më parë, për premierën e Ermonela Jahos në “Wigmore Hall” të Londrës. “Aftësia e jashtëzakonshme e sopranos shqiptare për të depërtuar në mendjen e personazhit e bëri këtë recital, një rast shumë të veçantë”, – qe shprehur ai.
