Tani që vera më në fund po vjen, ne jemi gati tju zbulojmë 5 ngjyrat që nuk duhet t`i mungojnë garderobës suaj këtë sezon. Vera sjell një paletë ngjyrash të buta dhe elegante, ku tonet pastel janë protagonistët kryesorë.
Butter yellow
Ne tashmë e kemi shpallur “butter yellow” (e verdha si gjalpi) si ngjyrën kyçe për pranverën 2025, dhe ajo do të vazhdojë të jetë në qendër të vëmendjes deri në gusht. E pozicionuar si një nuancë neutrale dhe kremoze, kjo e verdhë e çelët varion nga nuancat e lehta si Lurpak deri te ato më të arta. Është po aq e lehtë për t’u kombinuar sa çdo ngjyrë në familjen e bezhës, siç u pa në koleksionet e Toteme, Chloé, Chanel, 16Arlington dhe Zimmermann, ku kjo nuancë vanilje u përdor gjerësisht.
Sarah Burton është një tjetër forcë e rëndësishme pas trendit të “butter yellow”, pasi e përdori këtë ngjyrë specifike në koleksionin e saj debutues për vjeshtë/dimër 2025 për Givenchy, si dhe veshi Timothée Chalamet me një kostum të personalizuar në këtë ngjyrë për Oscars, duke e shndërruar në një “copë gjalpi”.
Chocolate brown
Ashtu si e verdha, edhe e kafja është një ngjyrë që tradicionalisht ka qenë më pak e preferuar nga konsumatorët, por kjo ka ndryshuar krejtësisht në vitin 2025. Ajo funksionon në gardërobën e përditshme njësoj si e zeza apo bluja e errët, por ka një ndjesi më të ngrohtë dhe luksoze që mund të ngrejë në nivel edhe veshjet më bazike. Max Mara, The Row, Saint Laurent dhe Prada kanë bërë një punë të shkëlqyer për ta rikthyer të kaftën në qendër të modës, çka e çoi edhe Pantone-n ta shpallte nuancën “Mocha Mousse” si ngjyrën e vitit 2025.
Edhe pse në koleksionet e reja gjen një paletë të gjerë bezhesh dhe të kaftash, nga kanella te karamelja, nga mahagoni te ngjyra e tërshërës këtë verë ne duam të zhytemi në lino të kaftë çokollatë.
Powder pink
Në vend të nuancave të ëmbla rozë si të “Barbie”-t apo toneve neon të forta, kemi parë një zhvendosje të qëndrueshme drejt rozës më të butë dhe të zbutur më shumë Glinda sesa Mattel. Kjo prirje nisi në koleksionet e vjeshtë/dimër 2024 nga marka si Chloé, Prada dhe Chanel, ku roza u stilua nga koka te këmbët qoftë me fustane apo kostume të qepura me kujdes ose si një shpërthim i ngjyrës në mesin e nuancave neutrale.
Kjo histori ngjyrash ka vazhduar pa surprizë edhe në koleksionet e verës, me nuanca të lehta si petalet e trëndafilit që u panë te Alaïa, Khaite dhe Miu Miu. Ka diçka të pamohueshme balerine në këtë nuancë specifike të rozës, të cilën Ferragamo e përqafoi me kardigane klasike me lidhje si balerinë, këpucë me fjongo që ngjiten rreth kërcirit dhe çorape të denja për një skenë të Royal Opera House.
Tangerine
Për ata që mezi presin të veshin ngjyra koktejli sapo vjen vera, ndoshta kjo nuancë e ndezur mandarine dhe klementine, që të kujton një rum punch apo një Aperol Spritz do të përfundojë në valixhen tënde për plazh. Një nga pjesët më të spikatura në koleksionin pranverë/verë 2025 të Matthieu Blazy për Bottega Veneta ishte një fustan portokalli prej jerseyi me mëngë të tipit mantel, një histori ngjyrash që u shfaq përgjatë gjithë koleksionit.
Na pëlqeu veçanërisht mënyra si një fund me shtresa në ngjyrë mandarine u kombinua me një triko kafe çokollatë me jakë V një kombinim i pazakontë, por që funksionoi për mrekulli. Një tjetër fustan i paharrueshëm i sezonit ishte mini-fustani portokalli i ndezur, krijuar nga Jonathan Anderson në koleksionin e tij të fundit për Loewe, ndërsa edhe Burberry duket se ka rënë në dashuri me portokallin për 2025.
Icy blue
E kaltra është gjithmonë një ngjyrë e preferuar për muajt e verës, sepse ka diçka qetësuese dhe të natyrshme në idenë për t’u veshur sipas pamjes së detit. Në vend të të kaltërës tropikale si ato të Maldiveve, këtë verë dizajnerët janë fokusuar në nuanca më të ftohta, akullnajore, që duken veçanërisht tërheqëse kur përdoren në fustane të hollë si gazë, tunika dhe bluza që duken si ajër mbi lëkurë.
Te Prabal Gurung, një fustan i tejdukshëm në ngjyrë blu dukej jashtëzakonisht elegant kur ishte shtresuar mbi pantallona të bardha me këmbë të gjera, ndërsa te Chloé kjo ngjyrë u përthith në mënyrë të përkryer nga siluetat me frymëzim të viteve ’70.
Galeria fotografike
