Të simbolizosh angazhimin duke vendosur në gisht një unazë martese Karl Lagerfeld? Një dëshirë që shumë shpejt do të bëhet realitet. Kaizeri hiperaktiv i modës shton një tjetër gur në skakierën e tij, duke krijuar linjën e bizhuve për martesë për markën e tij me të njëjtin emër.
Metale të çmuar dhe diamante të jashtëzakonshëm, koleksioni individual dhe çift do të publikohet në fund të muajit në Las Vegas gjatë show-t “Luxury by JCK Jewelry” nga kompania Frederick Goldman, partner i këtij koleksioni, dhe do të jetë i disponueshëm në shtator në butiqet Karl Lagerfeld.
Pas çantave, këpucëve, parfumeve, orave, veshjeve për meshkuj, femra, fëmijë, të afeksionuarit e stilit emblematik të rë këtij krijuesi mund ta mbajnë përgjithmonë me vete stilin e Karlit.
Sipas faqes WWD, stilisti ka imagjinuar pjesë moderne dhe bashkëkohore, duke reflektuar ADN-në ikonike, krijuese dhe cool të markës së tij.
“Jemi të sigurt se koleksionet e reja për të martuarit të Karl Lagerfeld do të inspirojnë të dashuruarit e botës, klientët e gjeneratës Y që kërkojnë stil dhe vlerësojnë bizhutë e martesë”, thekson Jonathan Goldman, drejtor i përgjithshëm i “Frederick Goldman Inc”, për WWD-në.
Ende nuk e dimë nëse çmimet e kësaj linje të ardhshme bizhushë të martuarish do të jenë në linjë me ato të pjesëve të tjera të Karl Lagerfeld, më të arritshme për xhepin se sa krijimet e tij për Chanel apo Fendi, por deri atëherë na mbetet të kryqëzojmë gishtat.
Irma Lihohova: Kë do doje ti?
Tatuazhi i pazakontë i Justin Bieber
Dy motrat e famshme kur ishin të vogla
Yjet me familje 5+…
