Gjendja e mirë shpirtërore është e lidhur me mënyrën se si vishemi dhe ato mund të ndikojnë te njëra-tjetrin. Pra, nëse doni të jeni më të lumtur ose dëshironi të përmirësoni gjendjen tuaj në një ditë të vështirë, filloni duke parë dollapin tuaj.
Nuk është rastësi që ka raste kur ndihemi sikur duam të ndryshojmë stilin tonë ose nëse në periudha të veçanta duam të ndryshojmë pamjen tonë. Trupi dhe mendja janë në komunikim të vazhdueshëm dhe për këtë arsye mënyra se si kujdesemi për njërin, sigurisht që do të ketë pasoja te tjetra. Me fjalë të tjera, nëse vishemi në një mënyrë të caktuar, mund të kemi edhe efekte pozitive në humorin tonë.
Ju nuk duhet domosdoshmërisht të ndryshoni atë që vishni, por kushtojini vëmendje mënyrës se si visheni. Me shumë mundësi rrobat nuk përmirësojnë trupin tuaj, por përkundrazi mund të duan ta fshehin atë.
Përdorni rrobat bazuar në atë se si dëshironi të ndiheni dhe çfarë doni të përcillni. Jeni të trishtuar? Shtoni një aksesor me ngjyrë të kuqe ose të ndezur, dhe do të ndiheni më të fuqishëm.
Keni një takim pune dhe dëshironi të mbaheni mend? Përdorni një kostum elegant. Mos harroni se pamja juaj komunikon po aq sa fjalët që përdorni. Luajtja me imazhin tuaj do të ndihmojë në përmirësimin e gjendjes suaj menjëherë.
Nëse dini ta përdorni këtë fuqi, do të kuptoni se mund të jeni kush të doni, kurdo që dëshironi dhe kështu të ndryshoni humorin dhe vetëbesimin tuaj.
Nëse doni të jeni më të lumtur, guxoni! Nëse doni të përmirësoni gjendjen tuaj, kërkoni një veshje, një aksesor, një detaj që mund ta ndryshojë atë. Vishni diçka ndryshe nga zakonisht, të cilën do ta zgjidhni me kujdes dhe që do t'ju gëzojë.
