Në rast se jeni duke kërkuar një fustan për një ceremoni të veçantë, një koktej apo për mbrëmjen e parë që do të ktheheni në qytet pas pushimeve sugjerimi ynë është që të bëni tuajin një fustan me dantellë!
Sezon pas sezoni dantella është bërë shumë e preferuar për stilistët e mirënjohur të cilat janë frymëzuar për të sjellë një sërë krijimesh për vjeshtë me këtë material misterioz e joshës njëkohësisht. Kanë spikatur pantallonat e verdha me pink të Givenchy, veshjet e gjata nude ose të zeza të McQueen, ato më joshëse e transparente të Stella McCartney-t si edhe me një version kashmiri më seksi ka ardhur koleksioni i Alberta Ferreti-t. Për të qenë shik dhe elegante me dantellë, shfletoni galerinë me propozimet tona!